Башҡорт кейемендә башҡорт телендә!

Ә бына Стәрлетамаҡ күп профилле һөнәри колледжының башҡорт теле уҡытыусыһы, ҡала башҡорттары ҡоролтайы ағзаһы Гөлфиә Ноғоманова һайлау участкаһына милли күлдәк кейеп килгән.

“Был аҙымым ниндәйҙер хайп өсөн түгел, ә ошо сүрәттә килеү беҙҙең ил киләсәген билдәләүҙе, милли мәҙәниәт, милләт-ара татыулыҡ үҫешен күҙаллағанын иҫкә төшөргөм килде”, - тип белдерҙе уҡытыусы.

Әйткәндәй, Гөлфиә ханым бюллетенде лә башҡорт телендәгеһен һайлаған. Телебеҙ, мәҙәниәтебеҙ ошондай күренештәр аша ла күтәрелеүе һоҡландырғыс.