Шишмә районынан Рәхилә Ғилемйәнованың уңмаған бер генә ризығы ла юҡтыр. “Башҡортостан” гәзите уҡыусыларына ул кәнфит-бауырһаҡ рецебын бирә:
-1 йомортҡа, 1 аш ҡалағы шәкәрҙе һалып ныҡ итеп туғыйбыҙ ҙа 15-20 минутҡа ултыртып торабыҙ. Шуға 4 аш ҡалағы ондо яйлап ҡына өҫтәп баҫабыҙ. Ҡамыры ныҡ ҡаты булмаһын. Аҙаҡ бармаҡтан бер аҙ йыуаныраҡ итеп ҡамырҙы тәгәрәтәбеҙ һәм уны 2 сантиметр оҙонлоҡта ҡырҡып сығабыҙ. Һуңынан эҫегән көнбағыш майында бешереп алабыҙ. Был ризыҡты бигерәк тә балалар яратып ашай, - ти Рәхилә Төхвәтулла ҡыҙы.
Беҙ ҙә бешереп ҡарайыҡ әле.
Автор фотоһы.