“Дәүләт хеҙмәттәре. Йорт" мобиль ҡушымтаһы менән республикала 150 меңдән ашыу кеше әүҙем файҙалана

Республикала йәшәүселәрҙең күбеһе “Дәүләт хеҙмәттәре. Йорт" мобиль ҡушымтаһы менән әүҙем файҙалана башланы. Сервистың иң популяр бүлектәре - торлаҡ-коммуналь хеҙмәттәр өсөн квитанцияларҙы түләү һәм иҫәпләү күрһәткестәрен тапшырыу. Ҡушымтаның ҙур өҫтөнлөгө - коммуналь хеҙмәттәр өсөн комиссияһыҙ түләү мөмкинлеге. Бынан тыш, күп фатирлы йорттарҙағы бина хужалары идара итеүсе компанияларға һәм торлаҡ күҙәтеүе органына ғаризалар ебәреү, дөйөм йорт чаттарында аралашыу өсөн дә ҡушымтаны файҙалана.

“Дәүләт хеҙмәттәре. Йорт" ҡушымтаһының башҡа файҙалы мөмкинлектәре лә бар - идара итеүсе ойошмаларҙың отчеты менән танышырға, йорт хужаларының дөйөм йыйылышын онлайн үткәрергә. Иҫегеҙгә төшөрәбеҙ, ҡушымта торлаҡ-коммуналь хужалыҡтың дәүләт мәғлүмәт системаһы нигеҙендә төҙөлгән. Айырым теркәлеү талап ителмәй, Дәүләт хеҙмәттәре порталында раҫланған иҫәп яҙмаһы аша авторизация үтергә мөмкин. Күсемһеҙ милек, иҫәп-хисап приборҙары һәм иҫәп-хисап тураһында мәғлүмәттәр автоматик рәүештә тапшырыла. Мәғлүмәт булмағанда, ғариза бирергә мөмкин һәм идара итеүсе йәки ресурстар менән тәьмин итеүсе ойошма мәғлүмәттәрҙе актуалләштерә.

Приложение доступно для скачивания в RuStore, AppStore, Google Play и AppGallery (https://redirect.appmetrica.yandex.com/serve/28200392928068854)