Һалым тураһында белдереү таратыла башланы

Башҡортостан Республикаһында 2023 йыл өсөн һалым белдереүҙәрен күпләп таратыу башланды.

Республикала 1,8 миллиондан ашыу кеше һалым белдереүҙәре аласаҡ:

– 1,2 миллион кеше (67%) - физик шәхестәр өсөн шәхси кабинет һәм «Дәүләт хеҙмәттәре» порталы аша электрон төрҙә;

–  560 мең кеше (33%) - йәшәү урыны буйынса заказ хаты менән.

Шулай уҡ һалым белдереүен алыу өсөн граждандар теләһә ниндәй һалым органына йәки Күп функциялы үҙәк офисына мөрәжәғәт итә ала.

2024 йылда республика халҡына бөтәһе 6,8 миллиард һумлыҡ самаһы мөлкәт һалымы, шул иҫәптән 3,4 миллиард һумлыҡ транспорт һалымы, 2,4 миллиард һумлыҡ физик шәхестәрҙең мөлкәтенә һалым һәм бер миллиард һумлыҡ ер һалымы түләргә тура киләсәк.

Иғтибар итегеҙ, һалым белдереүҙәре түбәндәге осраҡтарҙа ебәрелмәй:

- һалым льготаһы, һалым ҡайтармаһы, объект хужаһын мөлкәткә һалым түләүҙән тулыһынса азат итеүсе ҡануниәттә билдәләнгән башҡа нигеҙҙәр булғанда;

- әгәр һалым белдереүендә сағылған һалымдарҙың дөйөм суммаһы 300 һумдан кәм булһа.

ИҪКӘРМӘ: календарь йыл тамамланыу менән һалым органы тарафынан белдереү ебәреү мөмкинлеге юғалған осраҡта һалым белдереүе ебәрелә.

Рәсәй Федераль һалым хеҙмәтенең «2024 йылғы һалым белдереүе» сайтының промостраницаһында һәр һалым түләүсе физик шәхестәрҙең мөлкәт һалымдарын түләүгә һалым белдереүҙәрен алыу һәм үтәүгә бәйле һорауҙарына яуап таба аласаҡ.

Йүнәлтелгән белдереүҙәрҙә күрһәтелгән һалымдарҙы 2024 йылдың 2 декабренән дә һуңға ҡалмайынса түләргә кәрәк.

Сығанаҡ: ФНС

Нәсих Хәлисов фотоһы.