Өфөлә автобусҡа атҡандармы?

Өфөлә Киров урамы буйлап барған 220-се маршрут автобусының пассажирҙарын ҡурҡытҡан ваҡиға була. Тәүҙә шартлауға оҡшаған тауыш ишетелә, артабан транспорттың бер тәҙрәһе сатнап китә. Кемдер "автобусҡа аттылар" тип фаразлай.

Әммә Эске эштәр министрлығының матбуғат хеҙмәте хәбәр итеүенсә, водитель полицияға башҡаса фаразлау менән мөрәжәғәт итә. Тәҙрәнең сатнауы юлдан осҡан таштан булыуы ихтимал, ти ул.

Хоҡуҡ һаҡлау органдары тикшереү үткәрә, хәл-ваҡиғаның сәбәптәре асыҡлана. Атышмы, ташмы - тиҙҙән белербеҙ.

Владимир Карабанов фотоһы.