Заһиҙәгә Яңы йылға кейәү юрағандар

Журналист, йәш яҙыусы - "Килен" повесы авторы Заһиҙә Мусина ҡыҙыҡ яңылығы менән уртаҡлашҡан. Ул өләсәһенән үҙенә ноҡот һалдырған ваҡытты видеоға төшөрөп һалған.

"Ҡасан кейәүгә сығам?"- тип өләсәйемдән ноҡот һалдырҙым әле... Арағыҙҙа ул һүрәтләгән кеше булһа, яҙһын, Яңы йылға таныштырырға Сәләхкә алып ҡайтырмын", - тигән ҡыҙ.

- Икәү төшәһегеҙ. Алыҫтаныраҡ, оҙонораҡ, ҡарараҡ кеше. Күп балалы ғаиләнән. Күмәк кеше араһында эшләй. Тиҙ буласаҡ. Яңы йылға алып ҡайтып та ҡуйырһың әле, - ти өләсәһе.

- Эй-й-й, ике аҙнананмы? - тип көлә Заһиҙә.

- Тиҙҙән осрашаһығыҙ. Әҙерлән. Сығаһың, сығаһың. Оҙаҡ уйлама, - ти өләсәһе.

Фәрештәләрҙең амин тигән сағына тура килеп, Заһиҙәбеҙ тиҙҙән кейәүгә сығып китһен. Бәхетле булһын был ҡыҙ!

Фото: видеонан скриншот.