"Өфөлә ритейл көндәре" форумы уҙа

Волга буйы федераль округының иң ҙур күргәҙмә комплексы сираттағы тапҡыр профессиональ диалог өсөн майҙансыҡ буласаҡ. 2025 йылда Форум өсөнсө тапҡыр ритейл лидерҙарын, ҡулланыусылар баҙарында ҡатнашыусыларҙы, власть вәкилдәрен һәм алдынғы эксперттарҙы йыйып, тармаҡтың төп проблемаларын һәм үҫеш перспективаларын тикшерәсәк.

Форумды ойоштороусылар булып Рәсәйҙең Сәнәғәт һәм сауҙа министрлығы, Башҡортостан Республикаһы Хөкүмәте, Башҡортостан Республикаһының Сауҙа һәм хеҙмәттәр министрлығы һәм Ритейл баҙары эксперттарының Рәсәй ассоциацияһы сығыш яһай.

Эшлекле программа киң буласаҡ һәм баҙарҙа һәм төбәктә ҡатнашыусылар өсөн мөһим темаларға ҡағыласаҡ. FMCG сегментындағы төп трендтар һәм уларҙың ҡулланыусыларҙың тәртибенә йоғонтоһо иғтибар үҙәгендә буласаҡ. Бәләкәй һәм урта сауҙа форматтарын, шул иҫәптән юл буйы сервисын һәм йәмәғәт туҡланыуы предприятиеларын үҫтереүгә айырыуса баҫым яһаласаҡ. Ҡатнашыусылар был йүнәлештәрҙең перспективаларын, дәүләт ярҙамы сараларын һәм урындағы тәьмин итеүселәр менән үҙ-ара эш итеүҙең һөҙөмтәле практикаларын тикшерәсәк.

Төп темаларҙың береһе - келәт логистикаһы һәм фулфилмент: ҡатнашыусылар логистик процестарҙы автоматлаштырыу һәм роботлаштырыу мөмкинлектәрен, өҫтөнлөктәрен, трендтарын тикшерәсәк. Урындағы тауарҙарҙы алға ебәреүгә бәйле мәсьәләләрҙе тикшереү дауам итәсәк. Айырым сессиялар сауҙа күсемһеҙ милеген, шарап етештереү тармағын, шулай уҡ күмәртәләп һәм берәмләп һатыу баҙарҙарын үҫтереүгә арналасаҡ.

Эшлекле программала ҡатнашыусылар араһында: Никита Кузнецов, Рәсәй Сәнәғәт һәм сауҙа министрлығының Эске сауҙаны үҫтереү департаменты директоры; Азат Асҡаров, Башҡортостан Республикаһының сауҙа һәм хеҙмәттәр министры; Андрей Карпов, Рәсәй ритейл баҙары эксперттары ассоциацияһы идараһы рәйесе; Игорь Бухаров, Рәсәй рестораторҙар Һәм отельерҙар федерацияһы президенты; Дмитрий Востриков, «Руспродсоюз» ассоциацияһының башҡарма директоры; Сиражудин Нуралиев, Рәсәй баҙарҙар союзының генераль директоры, профессор; Владлен Максимов, «Рәсәй терәге» вице-президенты, Бәләкәй форматлы сауҙа ассоциацияһы президенты; Константин Локтев, Нильсендың башҡарма директоры; Елена Саратцева, Роскачество етәксеһе урынбаҫары һәм башҡалар.

Форумдың эшлекле программаһын төбәк һәм федераль тәьмин итеүселәрҙе, тауарҙар һәм хеҙмәттәр етештереүселәрҙе, шулай уҡ сервис компанияларын берләштергән махсуслаштырылған күргәҙмә тулыландырасаҡ. Күргәҙмәлә ҡатнашыусылар потенциаль партнерҙар менән һөйләшеүҙәр, презентациялар һәм осрашыуҙар өсөн киң мөмкинлектәр аласаҡ.

Форум төбәктә сауҙа үҫешенә булышлыҡ итәсәк тәжрибә һәм идеялар менән уртаҡлашыу өсөн төп майҙансыҡ буласаҡ! «Өфөлә ритейл көндәре» төбәк-ара форумында ҡатнашыу бушлай. Форумдың теркәлеүе һәм эшлекле программаһы сайтта: ufa.retaildays.ru

Сығанаҡ: Башҡортостан Хөкүмәте.