Ҡыҙ мәктәпкә уҡырға сығып киткән дә юғалған

9 сентябрҙә иртәнге 08:40 сәғәт тирәһендә Камилла Рафиҡова Өфөләге Нижегородка биҫтәһенең Шепетковская урамындағы йортонан мәктәпкә уҡырға барырға сыға һәм юғала. Ике көн уны бөтәһе лә эҙләй. Әле ҡыҙҙы БПЛА ярҙамында эҙләй башлағандар.

Камилланың билдәләре: буйы 172 сантиметр, уртаса кәүҙәле. Өҫтөнә аҡ төҫтәге күлдәк, ҡара-зәңгәр төҫтәге мәктәп салбары, ҡара төҫтәге күкрәксен кейгән, ҡулында ҡара төҫтәге күн биштәре була.

Уҡыусы ҡыҙҙың ҡайҙалығын белгән кешеләрҙән 8(347)251-62-51 йәки 102 телефоны буйынса хәбәр итеүҙәрен һорайҙар.

Фото: БР буйынса Эске эштәр министрлығы.