Әсәһе һәләк була, атаһын нахаҡҡа ғәйепләйҙәр, землянкала йәшәйҙәр...

Бөгөн Шишмәлә йәшәгән Миңлеғаян Абдулнәғим ҡыҙы Вәлиеваға 104 йәш тулды.

Ул Благовар районында тыуып, оҙон һәм ҡатмарлы ғүмер кисерә. Бала сағында ҡыҙға ҙур ауырлыҡтар менән осрашырға тура килә: әсәһе фажиғәле рәүештә һәләк була, ә атаһына кулак мөһөрө һуғып, ғаиләне йортонан ҡыуып сығаралар. Ғаилә землянкаға күсенә, унда 10 йыл йәшәй.

Миңлеғаян Абдулнәғим ҡыҙының йәшлеге Бөйөк Ватан һуғышы йылдарына тура килә. Ул элеваторҙа йөк ташыусы булып эшләй, мейестәр өсөн торф әҙерләй, тимер юлында юлдар һала.

25 йәшендә кейәүгә сығып, өс бала — ике ул һәм бер ҡыҙ үҫтерә. Хәҙер ул ейәндәре һәм бүләләре хәстәрлегендә, Шишмәлә балалары янында йәшәй.

Миңлеғаян Вәлиеваны тыуған көнөндә хакимиәт башлығы Ришат Мансуров барып ҡотлаған.

Фото: Ришат Мансуровтың тг-каналы.

Беҙҙең МАХ каналына https://max.ru/gazetabashkortostan  ҡушылығыҙ!