Үҙең бешергән икмәккә етәме һуң?

Шулай итеп, кистән баш яһайбыҙ:

‎-2 стакан йылы һыу (стаканым 330 мл – Ҡәҙриә Ишмырҙина)

‎- 1 балғалаҡ тоҙ

‎-1 аш ҡалағы шәкәр ҡомо ‎

- 20 г ҡоро сүпрә

‎- 4 аш ҡалағы арыш оно

‎- 4 аш ҡалағы аҡ он ‎һалып болғатып, баш яһайбыҙ.

‎Иртән тәмле еҫтәр аңҡып торған башҡа:

‎- 0,5 балғалаҡ тоҙ

‎- 1 аш ҡалағы шәкәр ҡомо

‎- 2 аш ҡалағы арыш оно ҡушып болғатабыҙ һәм ҡалғанына аҡ он ҡушып, ҡамыр баҫабыҙ.

Бер сәғәт тирәһе ваҡыттан һуң ҡамырыбыҙ ҡабарып сығасаҡ. ‎Ҡабарып күтәрелгәс, формаға һалып, тағы ҡабартырға ҡуябыҙ. Шунан инде икмәкте бешереп алырға ғына ҡала.