Ныҡ тәмле алма пирогы

Ингредиенттар:

Өс ‎алма

Ике ҡалаҡ шәкәр ҡомо

‎30 г ‎аҡ май  ‎

Пирог өҫтөнә һибер өсөн:

‎120 г он ‎ 

70 г ‎шәкәр ҡомо  

60 г ‎аҡ май  

‎Ҡамыр өсөн:

250 г ‎ он  

0,5 сәй ҡалағы сода ‎   

0,5 сәй ҡалағы тоҙ‎ 

1 сәй ҡалағы ванилле шәкәр

ике‎  йомортҡа ‎ 

140 г ‎шәкәр ҡомо

50 г ‎аҡ май  

250 г кефир‎

Бешереү ысулы: ‎

Алмаларҙы ҡабығынан һәм емешенән таҙартып, шаҡмаҡлап турайбыҙ. Табала аҡ майҙы иретеп, өҫтөнә шәкәр ҡомон һалабыҙ. Шәкәр ирей башлағас, алмаларҙы өҫтәгеҙ һәм уртаса утта 4 минут дауамында ҡыҙҙырып алығыҙ. ‎ Ҡамыр өсөн онға сода, тоҙ һәм ванилле шәкәр ҡушып бутағыҙ. ‎ Айырым һауытта йомортҡа менән шәкәр ҡомон күпертәбеҙ. Уға иретелгән аҡ май һәм кефир өҫтәп, бер төрлө масса булғансы яҡшылап бутайбыҙ. Йомортҡалы ҡатнашмаға әҙ-әҙләп он өҫтәп, ҡуйы ҡамыр баҫабыҙ.

‎Пирог өҫтөнә һибер өсөн айырым һауытта он менән шәкәрҙе бутайбыҙ. Шунда һалҡын аҡ майҙы һалып, ҡул менән тиҙ генә ыуабыҙ. ‎ Бешереү формаһын аҡ май менән майлайбыҙ. Ҡамырҙың яртыһын формаға һалабыҙ. ‎Ҡамыр өҫтөнә ҡыҙҙырылған алмаларҙы йәйәбеҙ. Алма өҫтөнә ҡалған ҡамырҙы ҡойоп, тигеҙләп сығабыҙ. ‎ Ыуылған ҡамырҙы тигеҙләп һибәбеҙ. ‎ Пирогты 180 градусҡа тиклем йылытылган духовкала 45 минут бешерәбеҙ. ‎Ашығыҙ тәмле булһын! ‎