Айыуҙы... үлемдән ҡотҡарғандар

Инә айыу балаһы менән Йомағужа һыу һаҡлағысын йөҙөп сығып барған. Күрәһең, бәләкәстең хәле бөтөп, йөҙөп барған ағас киҫәгенә йәбешә. Ә инәһе имен-аман ярға сығып етә.

Был хәлде Мәләүез районының Ҡотош ауылынан Рөстәм Булатов күреп ҡала. Ул катерҙа йөҙөп үтеп барған була. Ир айыу йәбешкән ағасты ипләп кенә этә-төртә ярға алып барып еткерә. Унда инде инә айыу был хәлде күҙәтеп тора. 

Ә айыу балаһы ағасҡа йәбешкән көйө үҙенә булышҡандарын өнһөҙ генә күҙәтә һәм ярҙамды ҡабул итә. Бәхеткә күрә, был хәл яҡшы тамамлана.

Рәхмәт яҡшы кешегә!

Фото: видеонан скриншот.