Оҫталарҙы барланы "Батырҙар иле"

Ул ҡалала туғыҙынсы тапҡыр уҙғарыла һәм икенсе мәртәбә асыҡ республика конкурсы булараҡ ойошторола. Тәҡдим ителгән ижад өлгөләренең нигеҙендә – башҡорт халҡының мәшһүр эпик әҫәре “Урал батыр”.

Быйылғы конкурсҡа республиканың 17 ҡалаһынан һәм 19 районынан барлығы 638 эш ебәрелгәйне. Шулай уҡ, башҡа йылдарҙан айырмалы, “Дизайн һәм кейем моделдәрен әҙерләү” номинацияһы буйынса ла ижад өлгөләре ҡабул ителде. Төрлө йәштәге балалар майлы буяуҙар ярҙамында һүрәт төшөрҙө, ағастан һырлап әйберҙәр эшләне.

Гран-приҙы Сибайҙан Динир Байегетов яуланы (уҡытыусыһы – Йәноҙаҡ Ҡылысов). Күп уҡыусыларҙың эше айырым номинацияларҙа баһаланды.