-5 °С
Болотло
Бөтә яңылыҡтар
Әҙәбиәт һәм мәҙәниәт
3 Май 2019, 22:03
Бикбай йондоҙо
Рауил Бикбаевтың яҡты иҫтәлегенә
Рауил Бикбаевтың яҡты иҫтәлегенә
1
Ырымбурҙан ярһып килеп индең –
Һуғыш осороноң балаһы,
Ҡабул итте һине Башҡортостан,
Иң ҙур уҡыу йорто ҡаламдың.
Данлы яҡташтарың –
Амантайҙар,
Буранғолдар кеүек ғилемгә
Ынтылдың һин,
Әлдә кәртә ярып,
Сығып китмәй, тайҙай билендәп.
Ярһыу рухлы бунтарь холҡоң менән
Бабич ине тоғро остазың.
Һиндә Шағир,
Ғалим,
Йәмәғәтсе –
Йәнкәйеңдең булды өс сазы…
2
Баҙлап яна, ана, Етегәндә
Аҡмулланың сағыу йондоҙо.
Бабич, Рәми йондоҙҙары балҡый,
Күренә улар хатта көндөҙөн.
Асмандарҙа инде күп дәүерҙәр
Нурын һибә Рәшит Ниғмәти.
Ҡушылдылар уға
Назар Нәжми,
Мостай Кәримдәрҙең һиммәте.
Бөгөн инде,
Рауил Бикбай дуҫҡай,
Һин осаһың улар янына.
Халҡың телендә һин:
Даланлы ир,
Менгәнеңдән Өфө тауына.
Һинең йондоҙ изге Етегәндә
Нурын һибер һәр бер күңелгә.
Маяҡ итер уны аҙашҡандар,
Үҙ итерҙәр хистән төңөлгән…
3
Мин ишетәм: умырзаяларҙың
Шыбырлауын, елдән һиҫкәнеп,
Ялбарыулы өҙөк-өҙөк ауаз:
“Бабич. Рәми. Рауил Бикбаев…”
Мин ишетәм: баҫыуҙарҙа ужым
Туңып үлемесле уфтауын –
Йылы тынын өрмәнеләр микән
Бабич, Рәми, Рауил Бикбаев?..
Мин ишетәм: сыр-сыу килә ҡоштар,
Юлдарынмы дауыл бикләне?
Устарын бит һонған, оя итеп,
Бабич, Рәми, Рауил Бикбаев!..
Мин ишетәм:
Иңрәп ҡуйҙы Урал –
Ирәндектәр, Ҡырҡты,
Ирәмәл…
Эйелделәр тауҙар
Уланына
Биреп булмаҫмы тип
бер әмәл?..
Һуңланылар тауҙар,
Кешеләрҙәй,
Һуңлағандай миҙгел,
йыл, айы…
Ҡабатланы тауҙар,
шаңдау итеп:
“Бабич. Рәми. Рауил Бикбаев…”
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43