“Башҡортостан” гәзитенең 1 май һанына күҙәтеү

Бөгөнгө һандың 1-се битендә Дүртөйлө районы ауыл эшсәндәренең сәсеү эше менән шөғөлләнеүе һүрәтләнгән. Шулай уҡ республика “Һылыуҡай” конкурсынан репортаж бирелгән.

2-се биттә Шишмә, Благовар, Бүздәк райондарындағы баҫыу эштәре һәм ауыл хужалығы эшкәртеү предприятиеларының эшмәкәрлеге яҡтыртылған. Йәнә тарих сәхифәләренән йөҙ йыл элек Рәсәйҙә барған ваҡиғалар бәйән ителгән.

3-сө биттә Әбйәлил һәм Ишембай райондарынан хеҙмәт кешеләре, хеҙмәт ветерандары тураһында тасуирлаған һүрәтләмәләр баҫылып сыҡҡан, Балтас районында һанлы телевидениеға күсеү буйынса алып барылған эш яҡтыртылған.

4-се биттә Шишмә районында уҙған гармун байрамынан, сатира һәм юмор оҫтаһы Марсель Сәлимовтың юбилей кисәһенән репортаждар донъя күргән. Был биттә шулай уҡ Баймаҡ районынан гәзит уҡыусының “Атай малы” тигән хикәйәһенең беренсе өлөшө баҫылған.