Бөтә яңылыҡтар
26 Июль 2019, 12:07

“Башҡортостан” гәзитенең 26 июль һанына күҙәтеү

Бөгөнгө һандың 1-2-се биттәрендә Башҡортостан Башлығы вазифаһын башҡарыусы Радий Хәбировтың Дәүләкән районына эш сәфәре яҡтыртылған.

Бөгөнгө һандың 1-2-се биттәрендә Башҡортостан Башлығы вазифаһын башҡарыусы Радий Хәбировтың Дәүләкән районына эш сәфәре яҡтыртылған.


3-сө биттә Күгәрсен районында уҙған “Баҫыу көнө”нән репортаж бирелгән, Әлшәй ауыл эшсәндәре тураһында мәҡәлә баҫылған.

4-се биттә медицина фәндәре докторы Сәлиә Мырҙабаева менән әңгәмә донъя күргән.


5-се биттәге яҙмала ғәрәп илдәрендәге сәйәси хәлгә байҡау яһалған.


6-сы биттә Юл хәрәкәте хәүефһеҙлеге дәүләт инспекцияһы хеҙмәткәрҙәре менән берлектә яһалған рейд һөҙөмтәләре менән танышырға мөмкин.


7-се бит яҙмалары хоҡуҡу, ҡануниәт темаларына арналған.


8-се биттә Борай һәм Әбйәлил райондарында баҡса үҫтергән йүнселдәр менән таныштырғандар. Ә 9-сы биттә Нуриман, Сибай тарафтары халҡы тормошо һүрәтләнгән.


10-сы биттә – ҡороттоң файҙаһы тураһында бик мауыҡтырғыс яҙма.


11-се биттә “Йома һайын ошо урында” рубрикаһында киләһе йыл уҙасаҡ Бөтә Рәсәй халыҡ иҫәбен алыуға әҙерлек барышы яҡтыртылған.


12-се биттәге яҙма тормоштан алынған.


13-сө биттәге “Матур үтһен ялығыҙ!” махсус сығарылышында сканворд, йондоҙнамә бирелгән.


14-се биттә иһә – киләһе аҙнаға телевидение программаһы.


15-се биттә “Иман” махсус сығарылышы урын алған. Август айына намаҙ уҡыу ваҡыты баҫылған, Шишмә районында мәсет асылыуы хәбәр ителгән.


16-сы биттәге “Йома ҡунағы” был юлы Испанияла йәшәгән яҡташыбыҙ Зилә Аҫылғужина.