Һөйләшеү ҡыҙыу булмаҡсы

10–12 апрелдә тарихта тәүге тапҡыр башҡорт теле һәм әҙәбиәте уҡытыусыларының I Бөтә Рәсәй съезы буласаҡ.

Сара “Торатау” конгресс-холында Баш­ҡортостандың 100 йыллығына арнап ойош­тороласаҡ. Оло йыйынға Рәсәй һәм, әлбиттә, Башҡортостан мәктәптәрендә эшләгән башҡорт теле һәм әҙәбиәте уҡы­тыусылары, уҡытыу туған телдә алып барылған дөйөм белем биреү учреждение­ларының директор­ҙары, ҡала һәм район хакимиәттәренең мәғариф идаралыҡтары белгестәре, юғары уҡыу йорттарынан вәкилдәр, йәмәғәт эшмәкәрҙәре һәм башҡа вәкилдәр ҡатнаша.

Унда башҡорт телен өйрәнеү, һаҡлау һәм үҫтереү мәсьәләләре тикшереләсәк.