"Йондоҙҙар парады" яңы үрҙәргә әйҙәй

Район хакимиәтенең мәғариф бүлеге етәксеһе Илдус Зәйнуллин әйтеүенсә, бөгөнгө йәштәр араһында белемгә ынтылған, заманса фекер йөрөткән, сәләмәт тормошто үҙ иткән, һәләттәрен бар яҡлап асырға тырышҡандар бихисап. Уларҙы ваҡытында күреп, үҫтереү генә кәрәк. Был тәңгәлдә уҡыусы-уҡытыусы-ата-әсә араһында ныҡлы бәйләнеш булдырылған, шунлыҡтан һөҙөмтәләр ҙә юғары.

Баймаҡтың киләсәген үҙ ҡулдарына аласаҡ йәш быуын бар яҡлап та талантлы, тырыш. Улар уҡыуҙа ла алдынғы, мәктәп тормошонда ла әүҙем ҡатнаша, төрлө Рәсәй, республика, төбәк-ара конференцияларҙа сығыш яһай, спорт буйынса юғары ҡаҙаныштарға өлгәшә.

Эйе, төбәк киләсәге ышаныслы ҡулдарҙа.