Хәйбуллаға ҡеүәт өҫтәр быуын үҫә

Быйыл туғыҙынсы тапҡыр үткән сарала төрлө олимпиада еңеүселәре, ғилми-ғәмәли конференцияларҙа, спорт, мәҙәни сараларҙа әүҙем ҡатнашҡан балаларға Маҡтау ҡағыҙҙары, иҫтәлекле бүләктәр тапшырылды.

Шулай уҡ район хакимиәте башлығы стипендиаттары ла асыҡланды, улар киләһе йыл дауамында ай һайын аҡсалата премия аласаҡ. 2003 йылдан Хәйбулла районының арҙаҡлы ҡатын-ҡыҙҙарының береһе, профессор Вилә Баймырҙина исемле премияһын булдырған. Быйыл ғалимәнең был бүләгенә биш бала лайыҡ булды.

“Йыл уҡыусыһы-2019” конкурсының абсолют еңеүсеһе исеменә Бүребайҙан Гөлсинә Байдәүләтова лайыҡ булды. Тырыш ҡыҙыҡай – Рәсәй, республика олимпиадалары призеры.