Улар барыһына ла әҙер

Тиҙҙән Башҡортостан батальоны махсус хәрби операция сиктәрендә хәрби бурыстарын үтәй башлар өсөн юлланасаҡ, ә мин бының алдынан “шайморатовсыларҙың” нисек итеп Рәсәй Хәрби Көстәренең тулы хәрби подразделениеһына әүерелеүе хаҡында һөйләргә теләйем.

Бөтәбеҙ бергә хәрби частарҙың береһенә эләккәндән алып байтаҡ ваҡыт үтте. Осрашыуыбыҙҙың тәүге көндәрендә егеттәрҙең етди йөҙҙәрен, үҙҙәре хаҡында бик һөйләмәүҙәрен хәтерләйем. Улар ни бары үҙҙәрен ҡайҙа йүнәлтәсәге, күпме ваҡыттан һуң Донбасста буласаҡтары, кем һәм нисек һуғышасағы тураһында ғына һөйләштеләр.

Әйтергә кәрәк, батальондағы хәрби хеҙмәткәрҙәр араһында ғәҙәти сроклы хеҙмәт үткәндәр ҙә, хәрби хәрәкәттәрҙә ҡатнашыусылар ҙа бар (Чечня, Сүриә, махсус хәрби операция). Был кешеләрҙең һәр категорияһы тәүҙә бер-береһе менән артыҡ бәйләнешкә инмәне, ләкин хәҙер барыһы ла үҙгәрҙе.

Билдәле бер ваҡыттан һуң беҙ Оборона министрлығынан әйберҙәр мөлкәте алдыҡ һәм беҙҙе артабан хәрби әҙерлек үтергә йүнәлттеләр, ә унан алда тантаналы оҙатыуҙар булды, унда күптәрҙең туғандары менән күрешеү мөмкинлеге тыуҙы.

Көндәр үтә тора, кешеләр йөҙөндәге етдилек иртәнге дуҫтарса сәләмләүгә, көн-күреш, ҡоралландырыу тураһында һөйләшеүгә һәм башҡаларға алмашынды. Кешеләрҙең төрлө категориялары (хәрби хәрәкәттәрҙә ҡатнашыусылар һәм “сроклы” хеҙмәт үткәндәр тураһында әйтәм) бер-береһенә яҡыныраҡ һәм асығыраҡ була барҙы, шулай итеп беҙҙең армия ғаиләһенә әйләнеүебеҙҙе күҙәттем.

Һуғышсан көйләү барышында беҙҙә көн һайын атыу һәм тактик әҙерлек, төрлө ҡоралдарҙан атыу, техниканы әҙерләү буйынса дәрестәр үткәрелде, ә иң мөһиме – егеттәр берләште, бер ниндәй үтенесһеҙ һәм иҫкәртеүһеҙ егеттәр иптәштәренә ярҙам ҡулын һуҙа башланы.

Миҫалдарҙың береһе: һуғышсылар машинаға ултырғанда, беренсе булып менгәне артынан килгәненең автоматын алып, ҡулын бирә, уға еңелерәк итергә тырыша һәм был сылбыр буйлап дауам итә. Ҡарап тороуға ябай ғына нәмәләр, ләкин тәүҙә улай түгел ине. Йәнә тағы: яугир фляжка менән һыуын сығарғас, ул мотлаҡ иптәшенә эсергә тәҡдим итәсәк, ә үҙенең һыуы бик аҙ ҡалыуы ла ихтимал. Ошо ябай ғына миҫалдар, “шайморатовсыларҙың” махсус хәрби операция барышында бер-береһенә ярҙам итәсәге, ышаныстары тураһында һөйләй.

Әҙерлектең бөтә нескәлектәрен дә аса алмайым, әммә шуға ышандырам: кешеләр үҙгәрҙе, ритмға инде, һәм был беҙҙең барыбыҙҙы ла шатландыра.

Командирҙар тураһында айырым әйтергә кәрәк. Командирҙарыбыҙ һәр саҡ яныбыҙҙа, уларҙың күбеһе хәрби хәрәкәттәрҙә ҡатнашҡан, күптәре дәүләт наградалары менән наградланған, ә юмор тойғоһона КВН-дан да көнләшерлек.

Командирҙарҙың Башҡортостан Башлығының хәрби хеҙмәткәрҙәр менән үҙ-ара эш итеү мәсьәләләре буйынса советнигы Алик Камалетдинов менән даими бәйләнеше һөҙөмтәһендә “шайморатовсыларҙың” башҡа батальондарҙа булмаған үҙ формаһы, бронежилеттары, каскалары һәм башҡа мөлкәте барлыҡҡа килде. Шуның өсөн республикабыҙҙа йәшәүселәргә ҙур рәхмәт, һеҙҙең ярҙамығыҙҙы күрәбеҙ һәм баһалайбыҙ!

Башҡортостан халҡы һәм бизнесының ярҙам итеүенән тыш, беҙгә хәрби әҙерлек урынына Радий Фәрит улы Хәбиров килде, был яугирҙәребеҙҙең юғары хәрби рухына булышлыҡ итте. Батальон өсөн өҫтәмә квадрокоптерҙар һатып алыуҙа ярҙам итергә вәғәҙә бирҙем.

Батальонда һуңғы көндәрҙә оҙатыу тураһында һөйләшеүҙәр күбәйҙе, егеттәр ингән ритмды боҙмаҫ өсөн көндән-көн әҙерләнеүен дауам итә.

Моғайын, күптәрегеҙ, унда, махсус хәрби операция зонаһында, яугирҙәр хәрби бурысын үтәгәндә һәләк булыуы ихтималлығын аңлаймы, тигән һорау бирәлер. Яуап бирәм: һәр “шайморатовсы” быны бик яҡшы аңлай, һәм беҙ Башҡортостанды һәм Рәсәйҙе данлау өсөн үҙебеҙ ошоно һайланыҡ!