Сит ил күҙәтеүселәре референдум барышын ҡарай

Сит ил күҙәтеүселәре Донецк һәм Луганск халыҡ республикаларынан килгән һәм әле Башҡортостанда булғандарҙың референдумда ҡатнашыуын күҙәтеүҙе дауам итә.

Хәтерегеҙгә төшөрәбеҙ: 23 – 26 сентябрҙә был республикаларҙа йәшәгән һәм әле Башҡортостанда мәжбүри ҡасҡынсылар булған граждандар участка һайлау комиссияларынан ситтә тауыш бирә, ә 27 сентябрҙә улар һайлау участкаһына килеп Рәсәй составына инеүҙе һайлау  мәсьәләһе буйынса тауыш бирә аласаҡ. Бында һүҙ быйыл килгән күскенселәр тураһында ғына түгел, ә 2014 йылдан башлап тыуған ерен ташлап китергә мәжбүр булғандар тураһында ла бара.

“Беҙ комиссияларҙы кәрәкле ҡорамалдар, канцелярия кәрәк-ярағы менән тәьмин итәбеҙ, улар эшендә тыуған мәсьәләләр буйынса консультация бирәбеҙ. Мәҫәлән, документтарҙы тултырыу буйынса”, – ти Стәрлетамаҡ территориаль һайлау комиссияһы рәйесе Ришат Сәлимгәрәев.

Фото: bashinform.ru.