Батыр һалдаттар иҫтәлегенә хоккей ярыштары үтте

Әбйәлил районы Хәлил ауылында Украиналағы махсус хәрби операцияла һәләк булғандар иҫтәлегенә хоккей буйынса ярыш ойоштролған.

Ярышта бәтәһе алты команда - Ишбулды, Асҡар, Атауҙы, Буранғол, Красная Башкирия, Хәлил ауылы командалары ҡатнашҡан. Көсөргәнешле ярышта беренсе урынды Атауҙы, икенсене - Хәлил, өсөнсөнө Асҡар командалары яулаған.

Ярыш Хәлил ауыл биләмәһе хакимиәте һәм әүҙем уҙаман Илфат Сәйфетдиновтың тырышлыҡы һәм ярҙамы менән үткән. Мәктәптә спортсыларҙы туҡландырыу ойошторолһа, батырҙарса һәләк булған егеттәрҙең әсәләре, туғандары һәр командаға татлы приз тапшырған.

Махсус хәрби  операцияла һәләк булған батыр егеттәрҙең исемдәре һәр саҡ беҙҙең күңелдәрҙә, уларҙың даны- мәңгелек!

Фото: "Осҡон" гәзите.