Яралы яугир егеттәр Башҡортостан ҡыҙҙарына рәхмәт белдерә

Ҡырымда яҡташтарыбыҙ махсус хәрби операциялала яраланып, госпиталдә дауаланған хәрбиҙәргә ҙур ярҙам күрһәткән.

Һалдаттар социаль селтәрҙәр аша мөрәжәғәт итеп, ирекмән яҡташтарыбыҙға оло рәхмәт белдерҙе.

— Башҡортостандан Гүзәл, Алина һәм Әлиә исемле ҡыҙҙарға хәрби госпиталдә дауаланған егеттәребеҙгә ярҙам итеүҙәре өсөн рәхмәт! Кейем-һалым, аҙыҡ-түлек менән ярҙам иттеләр. Яралы егеттәр төрлө төбәктәрҙән. Ҡыҙҙар, һеҙ — ысын Кешеләрһегеҙ, беҙҙе ҡыуандырҙығыҙ, рәхмәтебеҙ сикһеҙ! – ти махсус хәрби операцияла ҡатнашҡан егеттәр. Шулай уҡ егеттәр бөтә башҡорт халҡына рәхмәтен белдергән һәр береһе тыуған яҡтарына сәләм юллаған. Улар араһында Башҡортостан егеттәре лә бар.  

Сығанаҡ һәм видео: vk.com/bashkortostanim

Фото: видеонан скриншот