Командирға – Ҡаһарманлыҡ ордены!

Махсус хәрби операцияла  ҡатнашҡан Яңауыл егете,  танк ротаһы командиры Денис Глухов Ҡаһарманлыҡ ордены менән наградланды. Офицер тәүге көндәрҙән үк хәрби бурыстарҙы намыҫ менән башҡара. Башҡортостан батыры  барса  яҡташтарына,  ғаиләһенә, ата-әсәһенә сәләмдәрен ебәргән.

Яҡташтары ҡыйыу егетте  социаль селтәрҙә ҡотлап,   уға уңыштар теләп, иҫән-һау әйләнеп ҡайтыуын теләгән.

”Денис, һиңә бөтә Төньяҡ район-ара ижади берләшмә журналистары уңыштар теләй. Был 11 ҡала һәм район гәзиттәре редакциялары тигән һүҙ. Өҫтәүенә әсәйегеҙ Гөлнара  беҙҙең хеҙмәттәшебеҙ ҙә булғас, һинең өсөн айырыуса ныҡ борсолабыҙ. Егеттәр, иҫән-һау әйләнеп ҡайтығыҙ!”– тип яҙа Ирина Вәлиева. “Маладис, Денис! Беҙ һинең менән ғорурланабыҙ! Данил, Гөлнара! Шундай батыр ул үҫтереүегеҙ өсөн һеҙгә ҙур рәхмәт! Егеттәребеҙ иҫән-һау әйләнеп  ҡайтһын!”-тип теләй күршеләре, яҡташтары.

“Ҡәҙерле улыбыҙ Денис! Хоҙай Тәғәлә түҙемлек, иҫәнлек бирһен! Ғорурланабыҙ, яратабыҙ!”– тигән һәм башҡа матур теләктәр менән тулған бөгөн интернет селтәре.

Фото: шәхси архивтан.