Егеттәребеҙ өшөмәһен

Юлдыбай ауылы үҙенең тырыш, изге күңелле кешеләре менән дан тота.
Тыуған ил хәстәре менән янып йәшәүселәр бында бихисап.
Валеева Рәшиҙә Баймаҡ ҡалаһына барып һарыҡ йөнөн теттереп алып ҡайтҡан. Тәнзилә Абдуллина усаҡлығын йылытып, ағинәйҙәр шунда үткән шаршамбы кейеҙ баҫтылар.
Әнисә Алчинова, Тәнзилә Абдуллина, Рәшиҙә Валеева, Вазифа Шариповалар үҙҙәренең башланғысына ауылдашыбыҙ Рәйлә Ҡотошованы ла йәлеп иттеләр.
Кейеҙ кибеп әҙер булғас, Украиналағы махсус хәрби операцияла ҡатнашҡан егеттәребеҙгә күңел йылылығын һалып кейеҙҙән йылы түшәк, биллек (пояс) тектеләр.
Доғалар уҡып, матур теләктәр ҡушып, йырлай-йырлай эшләгән эш ырамлы барҙы.
Иртәгә тағын кейеҙ баҫып алып, түшәк, биллектәр тегеүҙе дауам итергә һөйләшеп таралыштылар.
Уларҙың был эштәре еңеүгә өлөш булһын.
Яуҙағы егеттәребеҙ беҙҙең иғтибарға, йөрәк йылыһына мохтаж.

Яҙма һәм фото: vk.com/public218062394