Яугиргә “тимер ат"ы ныҡ ярҙам итә

Башҡортостандан снайпер мотоциклда махсус хәрби операциялағы бурыстарҙы үтәй. Башҡортостан юлдаш телевидениеһы журналисы Азат Саҙриев һөйләүенсә, ул яҡташтары менән бергә Украина ҡораллы формированиеларынан бер нисә саҡрым алыҫлыҡта һуғыша.

– Гуманитар конвой менән "тимер ат"ты тиҙ генә алып килгәндәре өсөн Ишембай районы башлығы Азат Альберт улына (Ишемғоловҡа) ҙур рәхмәт. Ә бит командование бурыстары буйынса күп хәрәкәт итергә тура килә, — тине “Маугли” позывнойлы яугир.

Республика фронт һыҙығында булған яҡташтарыбыҙҙың теләктәрен тиҙ арала үтәй – улар бөтә кәрәкле боеприпастар, кәрәкле әйберҙәр һәм аҙыҡ-түлек менән тәьмин ителгән. Мәҫәлән, республиканан булған икенсе яугир үтенесе буйынса фронт һыҙығына юлһыҙ урындарҙан үтеү ҡеүәте булған транспорт сараһын да алып барғандар.

– Мин “УАЗ”-дың "Патриот"ын шәхсән һораным - әле машинаны алып килделәр. Башҡортостан халҡына ярҙамдары өсөн рәхмәт әйткем килә һәм шәхсән республика Башлығы Радий Хәбировҡа, колонналар урынына барып етә, барыһы ла һәйбәт, — тип уртаҡлашты ул.

Хәтерегеҙгә төшөрәбеҙ, “Мобилизация трансформацияһы йылы: Рәсәй төбәктәрендә социаль-иҡтисади һөҙөмтәләр” доклады мәғлүмәттәренә һылтанып, “Башҡортостан махсус операцияға ярҙам итеү кимәле буйынса илдең субъекттары араһында икенсе урынды биләй”, - тип белдерҙе республика Башлығы Хакимиәте етәксеһе Максим Забелин,

Максим Забелин билдәләүенсә, тәҡдим ителгән рейтингта республика Рәсәй Федерацияһының баш ҡалаһы – Мәскәүҙән ҡала икенсе урында тора.

Республика махсус хәрби операция барған төбәктәргә даими гуманитар автоколонналар ебәрә, унда ирекмән табиптарыбыҙ эшләй,  ирекмәндәрҙән торған батальондар булдырылды һәм Рәсәй Федерацияһы Оборона министрлығы менән тығыҙ хеҙмәттәшлек итә. Бынан тыш, районда махсус операцияла ҡатнашыусыларҙың ғаиләләре реестры булдырылған, бының өсөн 30-ҙан ашыу ярҙам сараһы ғәмәлгә инде.

Республика Башлығы Радий Хәбиров махсус хәрби операция яугирҙәренә ярҙам һәм уларҙың фронт ихтыяждарын үтәү һөҙөмтәлелеге мәсьәләһен шәхси контролдә тота.

Сығанаҡ: Башинформ.

Фото: БЮТ