Әсә йөрәк ауазын яҙып ебәргән

Өс бала әсәһе Венера Миңлейәрова махсус хәрби операцияға улын һағынып шиғыр яҙған. Уны һеҙгә лә тәҡдим итәбеҙ.

Яҙҙар етте, улым һаман ҡайтмай,
Иҫән генә йөрө, сабыйым!
Үҫтергәндә теләмәнем дә мин
Яҙмыш беҙҙе шулай һынауын.

Алыҫ ерҙә, көслө ут эсендә
Йөрөй беҙҙең ғәзиз балалар.
Эй, Хоҙайым, ишет, ярҙам итсе,
Әсе йәштәр күҙҙән тамалар.

Яугирҙәрҙе көтә һөйгәндәре,
Атай, әсәй, көтә туғандар.
Берүк иҫән ҡайтығыҙсы, балам,
Илгә тоғро ҡалған уландар.

Күкрәк һөтөн имеҙеп үҫтерҙек тә,
Ут эсенә инде балалар.
Иламайса түҙеп булһа икән,
Иҫән ҡайтығыҙсы, батырҙар!

Фото: В. Миңлейәрова.