“Был “Урал” беҙгә бик ныҡ кәрәк ине”

Достовалов исемендәге Башҡорт батальоны егеттәре яу яланынан сәләм ебәргән. Улар республикалағы медколледж студенттарына, Я. Хамматов исемендәге Белорет башҡорт гимназияһы уҡыусылары ебәргән йылы  эстәлекле хаттар өсөн рәхмәт һүҙҙәрен әйтә.

 –  Ысын күңелдән яҙылған хаттарығыҙ өсөн бик рәхмәтлебеҙ! Бүлешеп уҡыныҡ һәм үҙебеҙҙе бик бәхетле итеп тойҙоҡ. Беҙгә ышанғанығыҙ өсөн ҙур рәхмәт! Хәлдәребеҙ яҡшы, Башҡортостан беҙҙе ҡарай, яҡшы хеҙмәт итәбеҙ. Ошо бронировкалы “Урал” автомобиле килде, бындай техника беҙгә бик кәрәк, ул ныҡ ярҙам итә, - ти мөрәжәғәт итә бер милләттәшебеҙ.

Шулай уҡ видеола Стәрлетамаҡ, Нефтекама, Бәләбәй, Ишембай, Октябрьский ҡалаларына, Саҡмағош районына сәләм еткерәләр.

Ҡыйыу яҡташтарыбыҙҙың һәммәһенә тиҙерәк имен-һау әйләнеп ҡайтыуҙарын теләйбеҙ!

Фото һәм видео интернет селтәренән.