Бронялы “Нива” зонаға оҙатылды

Ауырғазы районы халҡы махсус хәрби операцияла ҡатнашыусы яҡташтарына матди яҡтан ғына түгел, әллә күпме файҙалы эштәре менән дә ярҙам итә, күңеле менән һәр саҡ улар эргәһендә. “Бетон Гарант” йәмғиәте коллективы яңыраҡ хәрби зонаға бронялы “Нива” машинаһын оҙатты.

Райондың эре предприятиелары, ойошмалары һәм эшҡыуарҙары финанс яғынан ҙур ярҙам күрһәтә. Бер көн дә уларҙың дөйөм эшкә индергән өлөшө тураһында яңылыҡтан башҡа үтмәй. “Бетон Гарант” йәмғиәте коллективы яҡташтарына һәр йәһәттән ярҙам ҡулы һуҙырға әҙер. Унда нигеҙҙә Ауырғазы һәм Ейәнсура райондарында йәшәүселәр эшләй. "Ә ойошма менән  яҡташыбыҙ, Талбазы егете Айрат Юлдашев етәкселек итә”, – тип ғорурланып яҙа “Аургазинский вестник”.

Фото:”Аургазинский вестник”.