Бер әсәнең ике улы...

«Егеттәрҙең өлкәне Абдувәли уҙған йылдың майынан махсус хәрби операцияла ҡатнаша. Яраланған иптәшен ҡотҡарғанда үҙе ҡаты яраланған һәм ике операция кисергән. Тиҙҙән тағы бер операция көтөлә. Яҡташыбыҙҙың батырлығы Суворов миҙалы һәм IV дәрәжә Георгий тәреһе менән билдәләнгән.

Уның ҡустыһы Алижон махсус хәрби операция башланғансы Алкин ауылы часында хеҙмәт иткән, унда ефрейтор дәрәжәһен алған. Хеҙмәтен тултырғас та, контракт төҙөй. Хәрби операцияла ҡатнашҡан осорҙа Жуков, «Хәрби хеҙмәте өсөн», «Хәрби ҡаһарманлыҡ өсөн», «Инженер тәьминәте бурыстарын үтәгәндә тырышлығы өсөн» миҙалдары менән бүләкләнгән.

Уларҙың әсәһе Гөлнара Ғәзнәүи ҡыҙы үҙенең улдары менән ғорурлана. Абдулвәли менән Алижонды ысын ир-егет итеп тәрбиәләгән. Һәр тыныс көнөбөҙ артында әрмелә хеҙмәт итеүселәрҙең һәм илебеҙҙе һаҡлаусыларҙың ауыр хеҙмәте тороуын онотмаһаҡ ине», — тип яҙған Илшат Вәзиғәтов.

Афарин, Яңауылдың батыр егеттәре!

Фото һәм текст сығанағы: Илшат Вәзиғәтовтың "Бәйләнештә"ге сәхифәһенән.