Яугирҙәргә гармун барып етте

Телеграм-каналда бер яугирҙең гармун алып, уны бер аҙ йүнәтеп, дәртләндереп уйнап ебәргән видеояҙмаһы бар интернетты урап сыҡҡандыр инде.

Баҡтиһәң, яҡташтары яугирҙәргә ярҙам ебәргән ылау менән гармун да һалып ебәргәндәр икән. Бүләктең тап кисә, Рәсәйҙең тыуған көнөндә барып етеүе лә оло мәғәнәгә тиң!

Гармунда Белорет районы Йөйәк ауылы егете Алмас уйнай, әйткәндәй ул Архангелдә йәшәй.

Гармун моңдары яугирҙәрҙең күңелдәрен күтәрһен, уларға көс һәм рух ныҡлығы өҫтәһен, тыуған яҡ сәләмдәрен еткерһен!

Видеонан скриншот.