Билдәле йырсы махсус хәрби операцияға киткән

"Юлдаш" радиоһы хәбәр итеүенсә, Радик Динәхмәтов махсус хәрби операцияла ҡатнашыу өсөн әҙерлек үтә. 

"Яңы вазифам - медицина взводы санитары. Яралыларға тәүге ярҙам күрһәтергә өйрәнәбеҙ. Шулай уҡ тулы хәрби әҙерлек тә үтергә тейешмен: атыу, окоп, марш-бросоктар... Беҙ көн дә полигонда", - тип белдергән йырсы.

Радик Динәхмәтов ү популяр йырсы, ул «Әлдә һин бар әле донъяла», «Зәңгәр күҙле ҡыҙҙы һағынам» һәм башҡа хиттарҙы башҡарыусы, шулай уҡ флейтасы булараҡ билдәле. Ул ете аудиоальбом, дүрт CD-диск, дүрт видеоальбом сығарған. Башҡорт һәм татар шағирҙарының «Кеше» йыйынтығының төҙөүсеһе лә.

Йырсыға иҫән-һау йөрөп ҡайтырға насип булһын, донъялар тиҙерәк тынысланһын!

Фото: "Башинформ".