Уларҙың да бишбармаҡ ашағыһы килә...

Башҡортостанда йәшәүселәргә берләшеү, бер-береңә ярҙам итеү кеүек төшөнсәләр бик яҡын. Махсус хәрби операция башланғас, республика хәрби хеҙмәткәрҙәргә һәм яңы төбәктәрҙән зыян күреүселәргә һәр яҡлап ярҙам күрһәтә. Һәм был властарҙың ярҙамы ғына түгел, ә кешеләр араһында мәрхәмәтлек, бәләгә тарыған кешеләргә ярҙам итеү теләге лә.

Сибай ҡалаһынан Урал аръяғының мәшғүллек үҙәге хеҙмәткәрҙәре лә изге эш эшләргә һәм Луганск халҡы өсөн бишбармаҡ әҙерләргә хәл итте.

“Ил халҡының берләшеп, бер маҡсат менән йәшәүе бик мөһим, был ҡатмарлы көндәрҙә бөтә ил халҡы бергә булырға тырыша, - ти Башҡортостан Хеҙмәт министрлығының һөнәри белем биреү бүлеге начальнигы Римма Нәзметдинова. - Иң мөһиме, кешеләр беҙҙең менән бәйләнешкә сыға һәм үҙҙәре нимә эшләй алыуынан сығып, ярҙам тәҡдим итә. Ведомство ҡарамағындағы учреждение хеҙмәткәрҙәре ярҙамында ошо көндәрҙә яугирҙәр һәм Доставалов исемендәге батальон ирекмәндәре өсөн дарыуҙар туплап гуманитар ярҙам ебәрә алдыҡ».

Римма Нәзметдинова белдереүенсә, Сибайҙа йәшәгән ҡатын-ҡыҙҙар эш урынында бер сәғәткә тотҡарланырға теләк белдергән. Улар һалма йәйеү өсөн бөтә ингредиенттарҙы үҙ аҡсаһына һатып ала. Шулай итеп, улар Луганск халҡына терәк булыуын күрһәткән.

Хеҙмәт министрлығы вәкиле билдәләүенсә, Сибай мәшғүллек үҙәгенең элекке етәксеһе бөгөн махсус хәрби операция биләмәһендә хәрби бурыстарҙы намыҫ менән үтәй. Майҙа ғына ул ирекмәндәр сафына инде һәм хәҙер хәрби частарҙың береһендә медицина санитар батальонына етәкселек итә.

Фото: "Башинформ".