Радик Динәхмәтов яугирҙәргә йыр бүләк иткән

Алдан хәбәр итеүебеҙсә, билдәле йырсы Радик Динәхмәтов махсус хәрби операцияла ҡатнашыу өсөн әҙерлек үтә. 

"Яңы вазифам - медицина взводы санитары. Яралыларға тәүге ярҙам күрһәтергә өйрәнәбеҙ. Шулай уҡ тулы хәрби әҙерлек тә үтергә тейешмен: атыу, окоп, марш-бросоктар... Беҙ көн дә полигонда", - тигән ине йырсы.

Радик Динәхмәтовтың яугирҙәр алдында сығыш яһаған видеоһы социаль селтәрҙә тарала. Әйткәндәй,  "Кейек ҡаҙ юлдары" йыры менән Дүртөйлөнән өлөшләтә мобилизация буйынса хәрби хеҙмәткә саҡырылған Артур Хәсәнов бөтә интернетты шаулатҡайны.

Фото һәм видео: "Бәйләнештә"