Яугирҙәрҙең ғүмерен һәм һаулығын страховкалау тураһында указға ҡул ҡуйылды

Путин МХО доброволецтарының ғүмерен һәм һаулығын страховкалау тураһында указға ҡул ҡуйҙы.

Документҡа ярашлы, хәрби һәләк булған осраҡта ғаиләгә страховка түләүе 3 131 729,56 һум күләмендә билдәләнгән.

РФ Президенты Владимир Путин ирекле формированиелар составында хәрби хәрәкәттәрҙә ҡатнашҡан граждандарҙың ғүмерен һәм һаулығын мотлаҡ дәүләт страховкалау тураһында указға ҡул ҡуйҙы.

Документҡа ярашлы, уларға яраланғандан һуң, инвалидлыҡ алғандан һуң йәки яраланғандан һуң бер йыл эсендә һәләк булған йәки үлгән осраҡта компенсация рәүешендә страховка гарантиялары бирелә.

Доброволец һәләк булған осраҡта ғаиләгә страховка түләүе 3 131 729,56 һум күләмендә билдәләнгән, инвалидлыҡ алған осраҡта - I төркөм инвалидтарына 2,3 миллион һумдан ашыу, II төркөм инвалидтарына 1,5 миллион һумдан ашыу, III төркөм инвалидтарына 783 мең һум самаһы. Ауыр яраланған йәки имгәнгән осраҡта страховка түләүенең күләме – 313 мең һумдан ашыу, еңелсә яраланған осраҡта 78 мең һум самаһы тәшкил итәсәк, тиелә указда.

Документ бөгөндән көсөнә инде һәм 2022 йылдың 24 февралендә махсус хәрби операция (СВО) башланғандан алып барлыҡҡа килгән хоҡуҡи мөнәсәбәттәргә ҡағыла. Рәсәйҙә хәрби хеҙмәткәрҙәр өсөн мотлаҡ дәүләт ғүмерҙе һәм һаулыҡты страховкалауҙың шундай уҡ шарттары ғәмәлдә.

Компенсациялар күләме хәрбиҙәр өсөн страховка түләүҙәре индексацияһы менән бер үк ваҡытта индексациялана.

Әгәр страховка осрағы алкоголь йәки наркотик иҫереклектән килеп сыҡһа, шулай уҡ башҡа ҡайһы бер осраҡтарҙа, шул иҫәптән үҙ һаулығына аңлы рәүештә зыян килтергәндә, компенсация түләнмәйәсәк. Шул уҡ ваҡытта, документҡа ярашлы, "үҙ-үҙенә ҡул һалыу һөҙөмтәһендә гражданин вафат булған осраҡта компенсация түләүҙән баш тартырға ярамай".

Сығанаҡ: tass.ru/obschestvo/18436427?utm_source=yxnews&utm_medium=desktop