Денис Чернавин: “Ниндәй һөнәрҙе һайлаһаң да, башҡаларҙан яҡшыраҡ эшлә”

Полковник Денис Чернавин – хәрби вертолетта осоусы, полк командиры, половник. Фронтҡа ул тәүге көдәрҙән алына. Ошо арауыҡ эсендә “Аллигатор” Ка-52 вертолетында 500-ҙән ашыу хәрби осошҡа сыға. Һөҙөмтәлә дошмандың тиҫтәләгән техникаһы, йөҙҙән ашыу тораҡ пункт, ике меңдән ашыу хәрби көсө юҡ ителә.

Рәсәй Геройының атаһы Юрий Чернавин улы менән ғорурлана.

• Денис үҙе хаҡында һөйләгәндәрен, маҡтағандарын өнәп етмәй. “Мин үҙемдең бурысымды башҡарам” ти. Хәрби училищены һайлауын талап итмәнек. Был һөнәргә ул бала саҡтан тартылды. Улым махсус хәрби операцияла булғанда, көн һайын иртәмде телефонды ҡарауҙан башлайым. “Атай, минең барыһы ла һәйбәт, ҡайғырма” – тигән хәбәр килһә, күңелем тыныслана. 3 – 4 көн хәбәре булмай торһа, хафаланам, - ти Геройҙың атаһы.

Тыуған мәктәбендә уның фотоһы алтаҡтала башҡа алтын миҙал алыусылар менән бергә эленеп тора. Уҡытыусылары егет тураһында ғорурланып һөйләй.

Юлиә Малышева, Өфө ҡалаһының 128-се мәктәбе директоры:

• Денис алтын миҙалға мәктәпте 1995 йылда тамамланы. Уның йәшәү девизы бер яҡтан ябай яңғыраған һымаҡ: “Ниндәй генә һөнәр һайлаһаң да, башҡаларҙан яҡшыраҡ эшлә”. Был девиз уға тормошонда гел ярҙам итеп тора. Ғаиләләре лә өлгөлө. Ата-әсәһе улдарына ҙур терәк булды, - тип һөйләй.

Денис Чернавин өс тапҡыр 9 Майҙа – Мәскәүҙә үткән Еңеү парадында ҡатнаша. Ул Ка-50 һәм Ка-52 вертолоттарының штурвалына ултырған осоусыларҙың береһе. Ул Батырлыҡ өсөн өс орден, “Батырлыҡ өсөн” миҙалы менән наградланған. Рәсәй Геройы исеме яҡашыбыҙға Рәсәй Президенты Указы менән 2023 йылдың 31 июлендә бирелә. Юғары награданы геройға Рәсәй оборона министры Сергей Шойгу 7 сентябрҙә тапшырҙы.

Фото Чернавиндар ғаиләһе архивынан алынды.