“Татарин” тиҙҙән  бишенсегә атай буласаҡ!

Иҫке Балтас ауылы егете илдә өлөшләтә мобилизация иғлан ителгәс тә, хеҙмәткә барырға теләк белдерә.

— Тик әсәйем менән ҡатындың ризалығын ала алманым. Икенсе тапҡырында  улар менән мәсьәләне уртаға һалып, төптән, уйлап һөйләшкәндән һуң күндерҙем һәм бер йылға контракт төҙөнөм, – ти ул.

Рядовой “Татарин”  махсус хәрби операция зонаһында тәьмин итеү ротаһында хеҙмәт итә, ҡеүәтле КамАЗ машинаһында алғы һыҙыҡҡа һуғыш кәрәк-яраҡтары ташый, тип яҙа "Балтач таңнары" гәзите. Башҡортостан егеттәре менән бер туғандай булып, үҙ-ара ярҙамлашып эш итәләр. “Ҡайҙа, ни өсөн килгәнебеҙҙе белгәс, төрлө ҡатмарлы хәлдәргә әҙербеҙ, зарланырға сәбәп юҡ”, - ти яугир.

Оҙаҡламай “Татарин”дың тормош иптәше бишенсегә бәпес алып ҡайтасаҡ, тимәк, тормош дауам итә. Яҡташтары батыр яугирҙең иҫән-аман,  еңеү менән тыуған яғына, ғаиләһе янына тиҙерәк әйләнеп ҡайтыуын көтә.

Хәтерегеҙгә төшөрәбеҙ,контракт төҙөү өсөн республика халҡы берҙәм 177 номеры буйынса мөрәжәғәт итә, Ситуация үҙәгенә 122 йәки (347) 218-19-19  телефоны буйынса шылтырата ала. Шулай уҡ яҡындағы  “Мои документы” күп функциялы үҙәгенә мөрәжәғәт итергә була. Бөтә һорауҙарығыҙға башбат.рф сайтында яуап табырға мөмкин

Фото: https://baltachtan.ru