Генератор ҙа, туҡмас та буласаҡ...

Яңауыл районының Туртыҡ ауылы халҡы ғүмер буйы  бер ғаиләләй дуҫ-татыу йәшәй. Махсус хәрби операция башланғас, сит төбәктәрҙә йәшәгән  яҡташтар ҙа яугирҙәргә ярҙам итеүҙә берҙәмлек күрһәтте.

“Ҡыҫҡа ғына ваҡыт эсендә яугирҙәрҙең һорауы буйынса генератор һәм бензопила  өсөн аҡса йыйылды”, – ти хәбәр итә “Яңауыл таңдары”.

Ауылдаштар яугирҙәр өсөн тәмле ризыҡтар ебәреп, уларҙы һөйөндөрмәксе итә. Улар Зилә  һәм Әлфрит Хәбибуллиндар йортона йыйылып, күмәкләп туҡмас ҡырҡып, киптереп  һалдаттарға оҙатыу өсөн әҙерләне. “ Егеттәребеҙгә  ризыҡ менән бергә йөрәк йылыһын  да ҡушып ебәрәбеҙ”, ти ҡатын-ҡыҙҙар.

 Рөстәм Сангов фотолары.