Яугиргә - фатир асҡысы

Баймаҡ районының Тубә ауылынан махсус хәрби операцияла ҡатнашҡан яугиргә "Етем һәм ата-әсә ҡарауынан мәхрүм ҡалған балаларға социаль ярҙам буйынса өҫтәмә гарантиялар тураһында"ғы Федераль закон сиктәрендә фатир асҡысы тапшырылды. Был хаҡта район башлығы Фәнис Әминев хәбәр итә.

"Түбә ауылынан «Казах» ҡушаматлы МХО-ла ҡатнашыусы яугиргә «Етем һәм ата-әсә ҡарауынан мәхрүм ҡалған балаларға социаль ярҙам буйынса өҫтәмә гарантиялар тураһында»ғы Федераль закон сиктәрендә фатир асҡысы тапшырҙым.
Бындай ҙур ваҡиға менән уны ихлас ҡотлайым, тиҙ арала иҫән-һау ҡайтыуҙарын теләйем",  -тип яҙған район хакимиәте башлығы Фәнис Ғәбдрәшит улы.

Тиҙерәк һуғыш тамамланып, яугирҙәр үҙ йорттарында иҫән - һау әйләнеп ҡайтһын!

Фото: Айнур Юлдашбаев