Кушнаренколар ярҙам оҙатҡан

Күптән түгел Кушнаренко районы халҡы махсус хәрби операциялағы яҡташтарына гуманитар ылау ебәргән. Бында маскировка селтәрҙәре, газ горелкалары, эш ҡоралдары, ярҙамсы беләҙектәр, "ҡоро душ", шәхси гигиена әйберҙәре, аҙыҡ-түлек һәм, әлбиттә, яҡындарынан шәхси посылкалар тупланған. Ярҙамды район халҡы һәм эшҡыуарҙар йыйған.

"Кушнаренколар алғы һыҙыҡтағы яугирҙәребеҙгә ярҙам итеү өсөн тағы бергә ойошто, - тип хәбәр итте район хакимиәте башлығы Марат Латипов. - Яҡташтарыбыҙ биргән техника ла ҙур ярҙам булды: Руслан Ниғмәтйәнов - УАЗ автомобиле, ә Руслан Нурғәлиев мотоцикл тапшырҙы. Махсус хәрби операция биләмәһенә район хакимиәте лә УАЗ әҙерләне", - тип яҙҙы ул.

Бынан тыш, Кушнаренко ауылы мәктәптәре ЛХР-ҙың Петровское ҡалаһындағы генерал-майор М. Шайморатов исемендәге мәктәпкә канцелярия тауарҙары, спорт ҡорамалдары йыйған. 

Яугирҙәргә гуманитар ярҙам имен-һау барып еткән. Был турала ылауҙы оҙатышып барған район хакимиәте етәксеһе Марат Латипов шулай уҡ социаль селтәрҙәрҙәге сәхифәләрендә яҙҙы. 

Фото: vk.com/marat_l?from=search