Йылайыр районы халҡы өсөн махсус хәрби операция биләмәһендә хеҙмәт иткән яҡташ егеттәрҙең яҙмышы бик мөһим. Район халҡы яҡташтарына бар яҡлап ярҙам ҡулы һуҙырға тырыша. Ауыл биләмәләрендә йәшәгән халыҡтың да был йүнәлештә бик күп эштәр башҡарыуы тураһында даими рәүештә социаль селтәрҙә баҫыла.
Кисә Йылайыр халҡы тағы ла ҙур изге эште атҡарып сығарҙы - махсус хәрби операция зонаһына ике автомобиль - УАЗ машиналары оҙатты.
Бөгөн һәр кемдең тик бер генә теләге - тиҙерәк һуғыш бөтһөн, яугирҙәр йорттарына иҫән-һау, теүәл әйләнеп ҡайтһын!
Афарин, йылайырҙар!
Фото: "Барыһы ла Еңеү өсөн" төркөмөнән