Дүрт уландың икеһе алғы һыҙыҡта

“Лимур” позывнойлы яугир Рәсәй Оборона министрлығы менән контракт төҙөп, үҙ ирке менән Ҡораллы Көстәр сафын тулыландырған. Хәҙерге ваҡытта ул махсус хәрби операция бурыстарын үтәй, тип яҙа “Кармаскалинская новь”

“Лимур” Ҡырмыҫҡалы районының Шайморатов ауылында күп балалы ғаиләлә тыуып үҫкән. Мәктәпте тамамлағас, Өфө урман хужалығы техникумына уҡырға инә, ә йыл ярымдан һуң Оборона министрлығы менән контракт төҙөй. Егетте Ленинград өлкәһендәге Луга ҡалаһына ебәрәләр. Шул уҡ ваҡытта юридик институтта ситтән тороп белем алыуын дауам итә. Хәрби әҙерлек үткәндән һуң, сержант званиеһында разведка ротаһында хеҙмәт итә башлай. “Лимур” “Батырлыҡ өсөн”, Георгий Жуков исемендәге, “Махсус хәрби операцияла ҡатнашыусы”, “Хәрби ҡаҙаныштары өсөн” һәм Суворов миҙалдары менән наградланған.

 Бындай батыр, илһөйәр ул менән нисек ғорурланмайһың? Яугирҙең әсәһе улының аҙымын хуплап, уның еңеү менән иҫән-һау әйләнеп ҡайтыуын көтә.

–Беҙ улыбыҙҙың Рәсәй Ҡораллы Көстәр сафында хеҙмәт итеүе  менән ғорурбыҙ. Уның махсус хәрби операцияла ҡатнашыуын һуң ғына белдек,– ти әсә.

 “Лимур”ҙың артынан махсус хәрби операция зонаһына уның  “Татарин” позывнойлы өлкән ағаһы ла йүнәлә. Бына шундай ҡыйыу ҙа, батыр ҙа егеттәр йәшәй Шайморатов ауылында!

Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә.

Өфөлә "Төнъяҡ амурҙары" исеме аҫтында граждандарҙы контракт буйынса хәрби хеҙмәткә һайлап алыу пункты эшләй башланы. Хәҙер РФ Оборона министрлығы менән контракт төҙөргә теләүселәргә белешмәләр йыйыу һәм медицина тикшереүе үтеү өсөн төрлө адрестар буйынса йөрөргә кәрәкмәй: быларҙың барыһын да бер урында һәм тәүлек эсендә эшләргә мөмкин.

Пунктты Өфө, Элеваторная урамы, 15-се йорт адресы буйынса урынлашҡан "Черемушки" һауыҡтырыу шифаханаһы базаһында астылар. Ул  ҡалаға көньяҡтан ингән ерҙә, Тирмән комбинаты районында урынлашҡан. Үҙәккә Башҡортостандан да, башҡа төбәктәрҙән дә контракт буйынса хәрби хеҙмәткә инергә теләгән 18-65 йәшлек ир-егеттәр мөрәжәғәт итә ала. Уларҙың теркәлеү урыны иҫәпкә алынмай.Үҙегеҙ менән паспорт, хәрби билет, ғаиләгеҙ, белемегеҙ тураһында документтар, СНИЛС һәм ИНН алырға кәрәк.

Үҙәктә хәрби комиссариат хеҙмәткәрҙәре, табиптар һәм банк вәкилдәре эшләй. Кандидаттарҙың мөмкин тиклем тиҙерәк медицина комиссияһын үтеү, анализдар тапшырыу, документтарын тәртипкә килтереү, кәрәк булғанда "Мир" банк картаһын алыу мөмкинлеге бар. Тап ошо картаға бер тапҡыр бирелә торған түләү һәм эш хаҡы киләсәк. Шулай уҡ бында төндө үткәреү өсөн номерҙар фонды, өс тапҡыр ашатыу хеҙмәте ҡаралған. Былар барыһы ла бушлай. Үҙәктән граждандар хәрби командалар составында шунда уҡ хеҙмәт урынына китә.

Алдан хәбәр итеүебеҙсә, Оборона министрлығы менән килешеү төҙөгәндәргә Өфө ҡалаһы бер тапҡыр бирелә торған аҡсалата түләү күләмен 300 меңдән 400 мең һумға тиклем арттырҙы. Стәрлетамаҡтар ҙа контрактсыларға ошо сумманы түләйәсәк. Шулай итеп, эш хаҡын иҫәпкә алғанда, түләүҙәрҙең дөйөм суммаһы 3 825 000 һум тәшкил итәсәк.

Башҡортостан контракт хеҙмәте тураһында тулыраҡ мәғлүмәтте башбат.рф сайтында йәки Ситуация үҙәгендә +7 (347) 218-19-19 телефоны буйынса алырға мөмкин. Шулай уҡ 122 йәки 8 800 550 5525 телефондарына шылтырата алаһығыҙ.

Фото: https://vk.com/karmaskaly_rayon