90 йәшлек ағинәй МХО-ға ярҙамға тип 30 мең һум аҡса йыйған

Учалы районының Рысай ауылында йәшәгән ветеран-уҡытыусы Хәтижә Фазыл ҡыҙы Сәғитова, үҙенең пенсияһын йыйып, махсус хәрби операцияла ҡатнашыусыларға ярҙамға тип 30 мең һум аҡса тапшырған.

Ул яҙын шулай уҡ яугирҙәргә ярҙам итеү маҡсатында үҙ ҡулдары менән ҡаҙ мамығынан эшләнгән ике мендәр тапшырған булған.

Хәтижә инәй 90 йәштә булыуына ҡарамаҫтан, биш намаҙын ҡалдырмай, аяттар, доғалар уҡый. “Доға уҡыған һайын, яуҙа ҡатнашыусыларға иҫән-һау тыуған яҡтарына әйләнеп ҡайтыуҙарын теләйем”, – ти ағинәй. Хәтижә Фазыл ҡыҙының изге теләктәре тиҙерәк ҡабул булһын ине.

Изге күңелле, миһырбанлы ағинәйгә ныҡлы һаулыҡ, бәхетле ҡартлыҡ, күңел көрлөгө теләйбеҙ!

Сығанаҡ: https://uchalinka.com