Реканс Йәмәлиев Саҡмағош районынан гуманитар ярҙам алып барҙы

"УАЗ автомобилдәре Миңлеғәле Шайморатов исемендәге батальонына һәм Башҡортостан полкына тапшырылды. Медицина батальоны район дауаханалары һәм дарыуханалар йыйған медикаменттар өсөн рәхмәт белдерҙе. Госпиталдә яҡташыбыҙҙың хәлен белештем, ул үҙен яҡшы тоя һәм һауығыуға бара. Яугирҙәр лайыҡлы хеҙмәт итә, уларҙың хәрби рухы ныҡ. Саҡмағоштарҙың һәммәһенә лә сәләм һәм рәхмәт һүҙҙәрен еткерҙек", - ти Реканс Ямалиев.

Гуманитар конвойға хәрбиҙәргә ойошмалар, предприятиелар һәм Саҡмағош районы халҡы әҙерләгән генераторҙарҙы, төндә күреү приборҙары, маскировка селтәрҙәрен, окоп шәмдәрен, ҡоралдарҙы, аҙыҡ-түлек тейәгән посылкаларҙы илтеп бирҙе.

"Командирҙар беҙҙең яугирҙәр хаҡында һәр саҡ таянырға мөмкин булған ышаныслы яугирҙәр тип һөйләй. Уларҙың ныҡлығы һәм ҡаһарманлығы, Еңеүгә ышаныслы ҡараштары һоҡландыра. Яҡташтарыбыҙ район тураһында яңылыҡтар менән ҡыҙыҡһына. Яугирҙәргә көс, сабырлыҡ һәм уңыштар теләнек. Осрашыуҙар бында, алғы һыҙыҡта, һәр ваҡыт тулҡынландырғыс һәм ихлас үтә. Егеттәргә килгән һайын яугирҙарыбыҙҙың күпме көс, түҙемлек һәм рух ныҡлығы икәнлеген аңлайһың", - тип һөйләне Саҡмағош районы башлығы.

Фотолар Саҡмағош районы хакимиәтенән алынды.