Улар - иң мөһим кешеләр

Бөгөн Хөкүмәттең аҙналыҡ оператив кәңәшмәһендә Башҡортостан Башлығы Радий Хәбиров махсус хәрби операцияла ҡатнашҡан лейтенант Радик Кәримовҡа һәм рядовой Василий Алалыкинға генерал Шайморатов ордендарын тапшырҙы.

Хәрби хеҙмәткәрҙәр юғары наградаларға алғы һыҙыҡта хәрби бурысын үтәгәндә күрһәткән батырлыҡтары өсөн лайыҡ булды.

– Бөгөн хәрби бурысын үтәгән егеттәр – беҙҙең өсөн иң мөһим кешеләр. Республика һеҙгә ярҙам итте һәм итәсәк, – тине Радий Хәбиров. – Хеҙмәттәштәрегеҙгә халҡыбыҙҙан тәрән ихтирам һүҙҙәрен еткерегеҙ.

Фото: Башҡортостан Башлығы сайты.