Яугирҙәр тураһында яңы йыр

Башҡортостандың атҡаҙанған артисы, Сибай концерт-театр берләшмәһе солисы, махсус хәрби операция яугире Фларид Бирғәлин яңы йыры менән таныштырҙы.

“Был йыр минең өсөн яугирҙәребеҙҙең гимны кеүек яңғырай. Быйыл күптән көтөлгән тыныслыҡ килер тип өмөтләнәбеҙ, - тип яҙған ул. – Йыр 2024 йылда сығырға тейеш ине, ләкин яҙмыш үҙе 2025 йылды һайлаған, күрәһең. Ә йыр 2023 йылдың сентябрендә тыуҙы. Миңә ошо йырҙы бүләк иткән өсөн “Яңы йыр” студияһынан Эмиль Абдрахмановҡа рәхмәт һүҙҙәрен еткерәм. Уны оҙаҡ ҡана яҙҙыра алманыҡ, үҙегеҙ аңлап тораһығыҙ: шарттар мөмкинлек бирмәй. Был матур йыр өҫтөндә оҙаҡ эшләнек. Бына шундай тарих!”

Барығыҙ ҙа иҫән-һау әйләнеп ҡайтығыҙ!

“Башҡортостаным яңылыҡтары”нан.