Яугир һөйгәненә өйләнгән

Туймазы районының Төмәнәк ауылынан ялға ҡайтҡан яугир һәм уның кәләше Аделя никах йолаһы үткәргән.

"Локатор"ға 22 йәш. Ул ике йыл элек, Рәсәй Ҡораллы көстәре сафында хеҙмәт иткәндән һуң МХО-ға барырға була. Яугир артиллерия ғәскәрендә наводчик булып хеҙмәт итә.

Буласаҡ кәләше менән интернетта таныша. Бер нисә ай буйына йәштәр хат алмаша, һирәк-һаяҡ шылтыратып торалар. Ә яугир ялға килгәс, улар осраша һәм өйләнешергә ҡарар итә.

Йәштәргә бәхетле һәм оҙон ғүмер теләйбеҙ! Тиҙерәк һуғыш тамамланып, һәр яугиргә яҡындары янына иҫән - һау ҡайтырға насип булһын!

Сығанаҡ: "Башҡортостаным. Яңылыҡтар"