Радий Хәбиров «Башҡортостан геройҙары» программаһының Остаз көнөндә ҡатнашты

29 июлдә Рәсәй Геройы Максим Серафимов исемендәге "Патриот" хәрби-патриотик паркында республика Башлығы Радий Хәбиров "Башҡортостан геройҙары" төбәк программаһының Остаз көнөндә ҡатнашты.

Иҫегеҙгә төшөрәбеҙ: “Патриот” паркында программаның 70 финалсыһына иҫәпләнгән дүрт белем биреү модуленең тәүгеһе тамамлана. Башҡортостан геройҙары проекты Президент академияһының Юғары идара итеү мәктәбе менән берлектә тормошҡа ашырыла. Уның маҡсаты – МХО-ла ҡатнашыусылар һәм ветерандар араһынан яңы быуын лидерҙар әҙерләү.

Программаның финалсыларын хәрби хеҙмәткәрҙәргә үҙ белемен һәм тәжрибәһен тапшырасаҡ остаздар менән таныштырҙылар. Улар араһында республика Хөкүмәте ағзалары, Дәүләт Йыйылышы – Ҡоролтай депутаттары, муниципалитет башлыҡтары, предприятиелар директорҙары бар.

Кәңәшмәлә ҡатнашыусыларға мөрәжәғәт итеп, Радий Хәбиров төбәк етәкселеге алдында «Башҡортостан Геройҙары» программаһы сиктәрендә уҡыуҙы мөмкин тиклем һөҙөмтәле итеү бурысы тип билдәләне.

— Яңы тормошҡа, республиканың ҙур идара итеү коллективына рәхим итегеҙ, — тине төбәк етәксеһе. - Тәүге модуль һеҙҙең өсөн файҙалы булды тип ышанам. Беҙ һеҙҙең яңы эшмәкәрлектә файҙалы булырлыҡ белем менән тулы булыуығыҙҙы теләйбеҙ. Шулай итеп - алға, артабан барайыҡ.

Сығанаҡ: БР Башлығы сайтынан.