Район башлығы МХО-ға гуманитар йөк алып барҙы

Баҡалы районы активистары махсус хәрби операция биләмәһенә ҙур гуманитар йөк алып барҙы. Ылауҙы район хакимиәте башлығы Олег Ефимов оҙатып бара.

Гуманитар ярҙам Рәсәйҙең бөтә дүрт яңы төбәгендә лә хәрби бурыстар үтәгән Башҡортостан хәрбиҙәренә алып барылды. Яугирҙәр ике мотоцикл, дүрт генератор, ике тепловизия прицелы, бензинлы бысҡылар, төҙөлөш материалдары, маскировка селтәрҙәре һәм костюмдар, шулай уҡ туғандарынан һәм яҡташтарынан посылкалар һәм башҡа мөлкәт ала.

"Айырыуса беҙҙең район яугирҙәре хеҙмәт иткән герой-яҡташыбыҙ Даян Мурзин исемендәге батальонға шәхсән барып етеү бик ҡиммәтле. Командирҙар менән аралаштыҡ, ағымдағы ихтыяждарҙы тикшерҙек”, — тип хәбәр итте Олег Ефимов.

Фото: Баҡалы районы хакимиәте. 

Беҙҙең МАХ каналына https://max.ru/gazetabashkortostan ҡушылығыҙ!