"Башҡорт" ялға ҡайтҡан

Күптән түгел махсус хәрби операция биләмәһенән “Башҡорт” позывнойлы яугир ҡыҫҡа ваҡытлы ялға ҡайтҡан. Яугир Сибай ҡала хакимиәте башлығы Сергей Озерцов менән осрашҡан. Был хаҡта ҡала башлығы үҙенең социаль селтәрҙәге сәхифәләрендә хәбәр итә.

“Өйҙәренә ҡыҫҡа ваҡытлы ялға ҡайтып йөрөгән яҡташтарыбыҙ менән осрашыу өсөн һәр саҡ ваҡыт табам. “Башҡорт” позывнойлы яугир менән шәхсән осрашып, ихлас әңгәмәләштем.

Был осрашыу - бөтә сибайҙар исеменән уның батырлығы һәм ҡаһарманлығы өсөн ҙур рәхмәт һүҙҙәре әйтеү мөмкинлеге ул.

Беҙ махсус хәрби операцияла биләмәһендәге хәлдәрҙе генә түгел, киләсәккә пландарҙы ла тикшерҙек. Бындай осрашыуҙар яу биләмәһендәге яугирҙәргә  һәм уларҙың ғаиләләренә ярҙам итеү буйынса артабан эшләү өсөн мөһим ориентирҙар бирә.

Батырҙарыбыҙ еңһен өсөн барыһын да эшләйәсәкбеҙ: тыуған ҡала уларҙы ҡәҙерләй, көтә һәм һәр саҡ ярҙам итергә әҙер.

Яугиргә ныҡлы һаулыҡ, көс, хәрби уңыштар һәм тиҙерәк тыуған Сибайыбыҙға ҡайтыуын, иҫән-һау булыуын теләйем!” – тип яҙған Сибай ҡала хакимиәте башлығы Сергей Озерцов.

Фото: Сергей Озерцовтең “Бәйләнештә”ге сәхифәһенән.

Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, 122 йәки (347) 218-19-19-19 телефондары аша Ситуация үҙәгенә, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ. Башҡортостанда контракт буйынса хәрби хеҙмәткә саҡырыу дауам итә. Мобиль пункттар республиканың барлыҡ ҡала һәм райондарында эшләй.

Беҙҙең МАХ каналына https://max.ru/gazetabashkortostan ҡушылығыҙ!